العمل عبر الانترنت والعمل الحر

  ليوم علابالنا كامل انو ااحاضر والمستقبل للعمل عبر الانترنت والعمل الحر وين فتح مجال لأي واحد انو يبدا ويخدك على روحوا ويتعلم ويضع اول خطوا...

 ليوم علابالنا كامل انو ااحاضر والمستقبل للعمل عبر الانترنت والعمل الحر وين فتح مجال لأي واحد انو يبدا ويخدك على روحوا ويتعلم ويضع اول خطواته لكن لكن لكن . . .

اليوم جزائريا الشباب بداو يتعرفوا على المجالات المختلفة للعمل عبر الانترنت وبداو ايضا يحقوا نتائج مبشرة وباين بلي المستقبل راح يكون ان شاء الله.

بصح كيما علابالكم وين يكون كاين لازم تمشي معاه حاجة يسموها النصب والاحتيال وحاليا راهي بإسم الدورات التدريبية وين اصبح الجميع كورس وكاااين بزاف من هؤلاء المدربين حقق او دولاراته في العمل عبر الإنترنت بتقديم كورس عن العمل عبر الانترنت ! (وانتا افهم)

نصيحة من واحد يحبلك الخير ادا سمعت بمجال ما ولا قريت عليه ولا حكاولك عليه ابحث عليه في غوغل يوتيوب وحوس على كورس مجاني يخليك تبدا خطواتك الاولى فيه ! اتعرف على اساسيات المجال ومختلف الامور المرتبطة بيه وعلى الأقل تاخذ نظرة إجمالية عليه (كاين مجالات يكفي برك انو تشوف كورس مجاني باش تحقق اول )

هنا صدقني راح تربح من الجانبين وتضرب زوج حمامات بنص حجرة، تشوف ادا المجال مناسب ليك وتعرف ادا كان يصلحلك ولا لا وتشوف ادا الدورة لي راح يدمهالك حبيبنا هداك تستاهل صح ولا لا . . . وحتى بعدها لوكان تاخذ الدورة مراحش تبدا من الصفر ويكون عندك حاجة تنطلق منها.

لكن انك تبدا بجمع رأس المال برك باش تقرا دورة ب3ملاين و4 هنا نقولك لا لا ابدا اتعلم وحدك وكي تلحق وين لازملك دورة روح استثمر فيها واتكل علة ربي وخير مليح الانسان لي راح دير عندو وبعد على جماعة السكرين شوت المزيفة والسيارات المستأجرة لستوري على انستقرام !

في الاخير لست ضد الدورات المدفوعة خاصة كي تكون من انسان موثوق وصح وليد المجال يشاركك من تجاربه ويختصر عليك الطريق ويخليك تجنب الكثير من الاخطاء، لكن هدو قلال جدا في المحتوى الجزائري.

كي العادة المنشور لا يهاجم اي طرف ولا أي دورة وهو كلام بشكل عام لما اراه كل يوم في الفايسبوك والانستقرام الجزائري ووجب التنبيه عليه والله ولي التوفيق.